Les mots surlignés font l'objet d'une note
1Monsieur de Gordes, s’estant presentée la commodité du present porteur, je lay bien
2voullu acompagner de ce mot de lettre pour vous dire quil mest advis quil
3y a trente ans que je nay eu de voz nouvelles et vous prier de
4men faire part le plus souvent que vous pourrez, comme je vous
5feray des miennes à toutes les occazions qui s’en ofriront. Monsieur
6de Belièvre vous en aura discouru ce qu’en pouvoit estre avant
7son partement. Maintenant je vous diray seulement que jespère
8aller voir demain les ennemis qui se sont assemblez environ XVc
9hommes de pied et IIc chevaulx près des notres qui sont à Covisson,
10feignans de voulloir venir au combat, et de voulloir advictuailler
11le château dudit Covisson. Silz veullent atendre, il ne tiendra pas
12à moy que nous ne facions quelque chose pour le service du roy.
13Au demeurant lon faict bruict que le sieur de Montbrun est entré en
14Languedoc. Si cela est, ce ne sera pas sans que je nen aye bien
15tost des nouvelles asseurées. Je prevoy que doresenavant nous
16conviendra, avec ce beau temps qui se prepare, nous tenir ordinairement
17en campaigne, qui me faict vous prier de donner ordre à la levée
18des quatre compagnies que le roy ma ordonnées sur votre gouvernement ;
19car jen fais estat, ayant suplié sa majesté de revoquer ce quelle
20avoit ordonné des deux quelle men avoit retranché. Vous scavez
21que peu de chose retarde une bonne entreprise, et que de si long
22temps j’ay telle fiance en votre amitié que je me promectz que
23pour lamour de moy, vous y ferez le mesme ofice que je vouldrois
24[37 v°] faire pour vous. Surce, atendant de vosdites nouvelles Je me veux
25très affectueusement recommander à votre bonne grace et prie
26Dieu vous donner, Monsieur de Gordes, en bonne santé heureuse
27Vie. De Beaucaire, ce XIIe janvier 1573.
28H de Montmorancy